Әлем жаңалықтары
7 қыркүйек 09:44
Ақтаулық бүлдіршінге жауыздық жасаған педофил ұсталды

 
Екі аптаға созылған үнсіздіктен кейін ақтаулық полицейлер алты жастағы бүлдіршінге қорлық қылған қылмыскерді ұстағандарын хабарлады. Ол 32 жастағы жергілікті тұрғын болып шықты. Оның аты-жөні әзірге айтылған жоқ. ІІД оның осы қылмысқа қатысы бары сараптама арқылы расталғанын хабарлады. Қылмыскер бұрын сотталмаған. Бірақ психиатриялық диспансерде есепте тұрған.
 
20-тамызда 6 жастағы бүлдіршін қызды тапа тал түсте ұрлап әкеткен болатын. Бірнеше сағаттан кейін баланы қала сыртынан ессіз жатқан күйінде табылды. Қылмыстық ізін суытпай бірнеше күдікті  ұсталған-ды. Дүкендегі бақылау камерасына түсіп қалған күдікті осы қылмысты жасаған болып шықты. Құқық қорғау қызметкерлері қылмыскердің тергеу шараларының кезінде ұстағанын мәлімдеді. Сол себепті уәде етілген 3 млн теңге ешкімге берілмейді.
 
Қайрат  Дәлбеков, Маңғыстау облысы ІІД басшысы:
Ол өз кінәсін мойындады. Адам өлтіру, зорлық және адам ұрлау баптары бойынша сотқа дейінгі тергеу жүргізілуде. 

Дереккөз: КТК

Комментарии




Яндекс.Метрика