Әлем жаңалықтары
12 мамыр 12:42
Әнші Әлішер Кәрімов тоналды

Әлішер Кәрімовтен әріптестері ән ұрлап жүр. Әншінің “Таба алмайсың” атты әнін қырғызстандық әнші Әнел орындап қана қоймай, бейнебаян түсіріп үлгерген.

Бұл туралы gakku.kz хабарлайды.

Ақкөңіл Әлішер Кәрімов істі сотқа дейін жеткізбеген. Бар болғаны жас әншіге автордың есімін жазып қоюды ескерткен.

“Маған әйтеуір бір жерінде әннің авторын көрсетіп қойса болды. Басқа ешнәрсесінің керегі жоқ. Өзге мемлекетте, Дағыстанда болсын, Қырғызстанда болсын, әндер мәңгілік өмір сүрсін. Мен тек қана қуанамын”, – дейді Әлішер Кәрімов.

Әнші кей әндерінің өзі үшін өте бағалы екенін айтады. Өйткені арасында он жылдан бері үзбей орындап келе жатқан туындылары бар. Оның “В океане глаз твоих тону” сынды әндері Дағыстанда жиі айтылады.

“Менің әндерім бәрінен де күшті. Егер оны әлдекім қайталап айтар болса, мен тек қуанамын”, – дейді әнші. Десе де, ең үздік әндердің орындаушысы әріптестерінен автордың есімін жазуды ұмытпауды өтініп сұрайды.

 

Комментарии




Яндекс.Метрика