Мәдениет
23 мамыр 09:27
Айқын Төлепберген қызына өз әнінің атын қойды

Мамырдың 15-і күні Айқын Төлепберген қызды болып, тыңдармандарынан қызына есім таңдасуды сұраған болатын. Ақырында әнші қызына өз әнінің атын қоюды жөн көріпті.

Бұл туралы “Gakky.kz” хабарлайды.

Осы уақытқа дейін Айқын Төлепбергеннің қызды болғанын айтқан болатынбыз. Енді міне әнші сүйіктісі Әселмен ақылдасып, Асылым деген есімді таңдаған екен.

“Мен гастрөлдік сапарда жүрген болатынмын. Қызым дүниеге келгенде қалаға келіп, қасында 15-20 минут уақыт болдым. Кейін қайтадан жолға шығуым керек болды”, – дейді Айқын.

Әнші дәл қазір үйге тез оралатын сәтті күтіп жүр екен.

“Соңғы концертімді өткізе салып бірден үйге жол тартамын. Отбасыммен көбірек уақыт өткізгім келеді. Шынымды айтсам, әлі қызымның барын сезіне қойған жоқпын. Мен жоқ кезде, Әсел әрдайым үйде болады. Ол ешуақытта менің графигіме бола ренжіген емес”, – дейді әнші.

Айқын соңғы концертін мамырдың 20-сы күні Қостанай қаласында өткізбек.

Комментарии




Яндекс.Метрика