Экономика
11 сәуір 14:56
Дубайда әлемдегі ең биік ғимарат салынбақ
Дубай қаласында өтетін «ЭКСПО-2020» халықаралық көрмесіне дейін Біріккен Араб Әмірлігінің билігі жаңа көп қабатты ғимарат ​салуға ниет білдіріп отыр.


Жаңа мұнара «Dubai Creek Harbour» ауданының даму орталығына айналмақ және ол қазіргі ең биік ғимарат «Бурдж-Халифадан» біршама ұзын болады. Бұл туралы Дубайда өткен баспасөз-маслихатында «Emaar Properties» холдингінің төрағасы Мохамед Алаббар мәлім етті. 

«Жаңа ғимараттың ұзындығы туралы нақты ақпаратты әзірге құпия сақтаймыз. Мүмкін оның нақты санын ғимарттың ашылуында ғана жария етерміз. Ол Бурдж-Халифадан бір саты биік болады», - деді М.Алаббар. 

Оның айтуынша, көп қабатты жаңа ғимарат шығыны 1 млрд. АҚШ долларына бағаланып отыр. Оның құрылысы биылғы жылдың жазында басталып, Дубайда өтетін ЭКСПО-2020 халықаралық көрмесі қарсаңында аяқталуы тиіс. 
Жаңа ғимарат архитекторы швейцариялық - Сантьяго Калатрава.

Дереккөзі: Қазақпарат

 

Комментарии




Яндекс.Метрика