13 Декабрь
21:08
Астана: -25 °C
Алматы: -5 °C
USD/KZT: 334.85
EUR/KZT: 394.29
RUB/KZT: 5.69
CNY/KZT: 50.60
Әлем жаңалықтары
21 тамыз 11:25
поделиться:

Поделиться в Whatsapp

​Душанбе аула сыпырушысы әлемдегі ең сұлу әйелдер тізіміне кірді
Тәжікстан астанасы – Душанбе қаласында көркейту ісімен айналысатын бойжеткен планетадағы ең сұлу әйелдердің тізіміне енгізілді. Бұл туралы «Новый день» сайты хабарлады.


Сұлу әйелдер тізімін The Atlas of Beauty интернет-ресурсы жасаған. Оның негізін румынның бүкіл әлемді аралап жүріп, қыздарды суретке түсірумен айналысатын фотографы Михаэла Норок қалапты.

Осы интернет-сайттағы өнер мен гуманитарлық ғылымдарға арналған «Сұлулық атласы» деген блокта таяуда Душанбенің 19 жасар бойжеткенінің суреті пайда болған. Өзінің Facebook желісіндегі парақшасына қойған бұл фотоның астына Михаэла «A beautiful street cleaner in Dushanbe, Tajikistan» (Душанбедегі аула сыпырушы сұлу қыз, Тәжікстан) деп жазып қойыпты.

Тәжік БАҚ-тарының хабарлауынша, шын мәнінде Мунира аула сыпырушы емес, гүл өсіруші болып жұмыс жасайды екен. Тәжікстан астанасын көркейтуге үлес қосып жүрген ару жеті адамнан тұратын отбасы мүшелерінің бірден-бір асыраушысы көрінеді.

Мунира мектеп бітіргеннен кейін медицина институтына оқуға түсіп, дәрігер мамандығын алуды армандағанын айтады. Алайда, отбасының жағдайы бұл ойын жүзеге асыруға мүмкіндік бермеген.

Бойжеткен қиындықтың көптігіне қарамастан, моюдың қажеті жоқтығын, өзі үшін ең басты нәрсе алаңсыз жұмыс жасап, өзгелерге тәуелсіз болмау екенін білдірген. Ол бұған қоса өз еңбегімен адал нанын тауып жүргенін, осыны мақтан тұтатынын жеткізген.

Дереккөзі: ras.kz
нравится:    1007
Теги: Қоғам, Главная,
поделиться:

Поделиться в Whatsapp

Loading...
Читайте так же:

Комментарии