21 Август
06:56
Астана: 6 °C
Алматы: 8 °C
USD/KZT: 332.80
EUR/KZT: 390.57
RUB/KZT: 5.60
CNY/KZT: 49.88
Спорт
18 қаңтар 12:49
поделиться:

Поделиться в Whatsapp

Ең көп тіл білетін футболшылар
Бірнеше тілді меңгеру қашан да артықтық етпейді. Көп адамдар өзге тілді үйрену – жарқын болашаққа бастар жол деп білсе, біреулер хобби ретінде қарайды. Одан бөлек мамандықтың да тіл үйренуге қатысы бар. Мәселен, бір маман иелерінің тіл үйренуге уақыты табылмай жатса, енді бір кәсіп иелері өз мүмкіндіктерін пайдаланып тіл үйреніп жатады. Солардың бірі – футболшылар.

Футболшыларға тіл үйренуге мол мүмкіндік бар деп қарауға болады. Әсіресе әлемнің азулы футбол ұжымдарының құрамында бір ұлттың ғана теңбіл доп шеберлері доп теппейді. Түрлі ұлт өкілдерін кездестіруге болады. Олар өзара тіл табысу үшін ағылшын тілінде, немесе бір-бірінің тілін үйренуге құлшыныс танытады. Нәтижесінде бір емес, бірнеше тілді меігеріп алған футболшылар жетерлік. Бүгін солар туралы айта кеткенді жөн санап отырмыз.

Златан Ибрагимович

Швеция ұлттық құрамасы мен Париждің «ПСЖ» клубының шабуылшысы Златан Ибрагимович 5 тілде еркін сөйлей алады. Әріптестері нағыз полиглот деп атайтын шабуылшы испан, ағылшын, итальян, голланд және босния тілін біледі.

Генрих Мхитарян

Армения ұлттық құрамасы мен дортмундтық «Боруссия» ойыншысы Генрих Мхитарян да 5 тілді еркін меңгерген. Олармян, орыс, ағылшын, француз және португал тілдерінде сөйлесе алады.

Месут Озил 

Германия құрамасы мен лондондық «Арсенал» ойыншысы Месут Озил түрік, неміс, испан, ағылшын тіліндееркін сөйлейді.

Петр Чех

Ең көп тіл білетін футболшылардың бірі – Петр Чех. Чехия ұлттық құрамасы мен лондондық «Арсенал» қақпашысычех, ағылшын және француз тілдерін еркін меңгерген. Сондай-ақ неміс, испан және орыс тілдерінде де тіл табыса алады екен.

Тибо Куртуа

Бельгия ұлттық құрамасы мен Лондонның «Челси» клубының қақпашысы Тибо Куртуа да полиглот футболшылардың бірі. Ол ағылшын, француз, нидерланд, испан және португал тілдерін меңгерген.

Фернандиньо

Бразилиялық футболшы да бірнеше тілді меңгерген. Оның ішінде ағылшын, португал және орыс тілінде еркін сөйлей алады екен.

Ал футбол жаттықтырушылары арасынан «Вест Хэм» (Англия) клубының бас маманы Славен Билич хорват, ағылшын, неміс, орыс, украин тілін меңгерген. Англия құрамасының бапкері Рой Ходжсон ағылшын, француз, неміс, итальян, швед, дат тілін біледі. Луи ван Гал («Манчестер Юнайтед») болса нидерланд, ағылшын, испан және неміс тілдерінде еркін сөйлей алады екен.

massaget.kz
нравится:    792
Теги: Спорт жаңалықтары,
поделиться:

Поделиться в Whatsapp

Loading...
Читайте так же:

Комментарии