19 Ноябрь
22:03
Астана: -1 °C
Алматы: -3 °C
USD/KZT: 332.21
EUR/KZT: 391.74
RUB/KZT: 5.57
CNY/KZT: 50.08
Экономика
21 шілде 15:26
поделиться:

Поделиться в Whatsapp

Қазақстан ТОП-50 экспорттаушы елдердің қатарына кірді
Қазақстан ТОП-50 экспорттаушы елдердің қатарына еніп отыр деп мәлімдеді Инвестициялар және даму министрі Әсет Исекешев 20 шілде күні Астанада Орталық коммуникациялар қызметінде өткен баспасөз мәслихатында.


 



“Бүгінгі таңда біз 850 экспорттық тауарды сыртқа сатудамыз. Олардың 160-ы бойынша Қазақстан ТОП-50 экспорттаушы елдердің қатарына кіріп отыр. Жалпы Қазақстан ТОП-50 экспорттаушы елдердің қатарына кірді және 49-орында тұр. Экспортымыздың географиясына келетін болсақ, ол шамамен 260 млн халықты қамтып отыр. Негізінен ол Ресей, Орталық Азия елдері, Иран, Қытай және басқалары”, – деп атап өтті министр.

Оның сөзіне қарағанда, әлемде Қазақстан сары фосфор мен уран экспорты бойынша бірінші орында тұр. Сары фосфор бойынша әлемдік экспортының 40 пайыз үлесі Қазақстанға тиесілі, ал уран бойынша – 46 пайыз.

Қазақстан титан экспорты бойынша әлемде үздік үштікке енеді. Ал ұн тасымалы бойынша 2-орында келеді.

Айта кетейік, президент өзінің “100 қадам” Ұлт жоспары реформаларында экспорттық және импорттық кеден рәсімдерінен өту кезінде “Бір терезе” қағидатын енгізуді, электронды жария ету жүйесін дамыту (тауарларды кедендік тазалауға автоматтандырылған жүйені енгізу), экспорт және импорт үшін құжаттар санын және оларды өңдеу уақытын қысқарту бойынша жұмыстарды тапсырған болатын.

Дереккөзі: ҚазАқпарат
нравится:    729
Теги: Қаржы және экономика,
поделиться:

Поделиться в Whatsapp

Loading...
Читайте так же:

Комментарии