Экономика
6 мамыр 15:27
Қазақстандықтар шет елдердегі тұрғын үйлерін заңдастыруда


Бүгін Орталық коммуникациялар қызметінде брифинг өткізген ҚР Қаржы вице-министрі Ардақ Теңгебаев қазақстандықтар жылжымайтын мүліктерін заңдастырып жатқан шет мемлекеттерді атады.
«Қазақстанның аумағынан тыс жерде жекешелендірілген мүліктің басым бөлігі тұрғын үйлер, көбінесе олар Біріккен Араб Әмірліктерінде, Испанияда, Венгрия мен Тайланда, Ресей және Өзбекстан мемлекеттерінде орналасқан. Осы күнге дейін шет мемлекеттердегі 52 нысан жекешелендірілді»,-деп хабарлады ол.
Қаржы министрлігінің ақпаратына сүйенсек, қазіргі дейін заңдастырылған мүлік пен қаржының көлемі  1,2 трлн теңгені құраған. Соның ішінде, Қазақстан аумағында заңдастырылған мүліктің көлемі 645 млрд теңгені, Қазақстанның аумағын тыс жерде заңдастырылған мүліктің бағасы 1,8 млрд теңгені құраған. Сондай-ақ, 558 млрд теңге қаржы заңдастырылған.

Комментарии




Яндекс.Метрика