24 Сентябрь
21:55
Астана: -2 °C
Алматы: 8 °C
USD/KZT: 340.11
EUR/KZT: 407.93
RUB/KZT: 5.91
CNY/KZT: 51.61
Мәдениет
5 шілде 10:54
поделиться:

Поделиться в Whatsapp

КешYou әншісі өзіне актриса болудың оңай соқпағанын айтты

Маусымның 6-сы күні Баян Есентаеваның бастауымен “Гламур для дур” атты фильмнің түсірілімі басталған-ды. Аталған туындының түсірілім жұмыстары шілде айының 5-не дейін жалғасты. Түсірілім барысында көптеген өзгерістер мен қызықты оқиғалар болған. Басты рөлдегі Баян Есентаеваны Әсел Ақбарова алмастырған.
 
“Гламур для дур” фильмінде басты рөлдердің бірін Ақбота Сейтмағамбет ойнайды. Бұл оның алғашқы тәжірибесі.
 
“Бізге Баян Мақсатқызы осы рөлде ойнамайды деп айтты. Кастинг жүріп жатқан кезде ол кісіге бейімделіп, біраз үйреніп қалған едім. Әрине, кімнің ойнап-ойнамайтынын тек режиссер шешеді. Көнуімізге тура келді”, – дейді Ақбота Сейітмағамбет.
 
Ол жантүршігерлік оқиға туралы алғаш болып естігендердің қатарынан. Бір жағынан жанына батса, екінші жағынан ұстазсыз сомдай алмай біраз қиналған екен. Десе де, Баян ханымды алмастыратын актриса тез табылған.
 
Ақботаға сомдайтын кейіпкерінің мінезінің өзіне ұқсайтындығы көп көмегін тигізген екен.
 
“Бастапқыда оның бұзықтау, еркелеу қыз екенін білмедім. Маған оның ер мінезді, ақылды, қылықты қыз екенін айтты. Бірақ ауылда өскендіктен, ешнәрседен бас тартпайтын көрінеді. Тек “иә, иә” деп тұратын қыз. Басында ұялып, екі күндей қиналып жүрдім. Ал әзір мұның барлығы тарқап кетті. Режиссер өте қатал жан. Түсірілім кезінде бетімді көгертіп алдым. Бір апта солай жүруіме тура келді”, – дейді ол.
 
КешYou құрамының өзге әншілері жазғы демалыстарын пайдаланып Түркияның Анталия қаласына демалуға кеткен. Түсірілім алаңына байланған Ақбота Сейтмағамбет биыл демалыссыз қалды. Десе де, продюсеріне еш ренжімейтінін айтады.
 
“Бізде маусымның 6-сынан бастап, 20-сына дейін демалыс. Қыздар екеуі Анталияға барып демалып қайтты. Концерт біткен соң киноға түсуім керек болып қалып қойдым. Кішігірім түсірілімдер болған кезде мені босатады. Қалған уақытта осы жердемін. Тіпті ұйқым да қанбайды. Аллаға шүкір, бала күнгі армандарым орындалып жатыр. Ешнәрсеге ренжімеймін”, – дейді актриса.
 
Аталған туынды ағымдағы жылдың желтоқсан айында көрермендерге жол тартпақ.
 
Дереккөз: stan.kz
нравится:    694
Теги: Жұлдыздар әлемі,
поделиться:

Поделиться в Whatsapp

Loading...
Читайте так же:

Комментарии