Әлем жаңалықтары
8 наурыз 12:37
Күйзеліспен күресу үшін қандай спорт түрін таңдау керек?



Кез келген дене қимылы, кез келген жүктеме күйзелістен арылуға ықпал етеді, тіпті бір орында тұрып секіргеннің өзі.

Ең бастысы не істесеңіз де, өзіңізге ұнауы керек.

Сізге көбірек не ұнайды?

- велосипед тебу
- би
- жаяу серуендеу
- қысқа қашықтықта жүгіру
- таңғы немесе кешкі уақыттағы 5 минуттық жаттығу
- аэробикамен айналысу
- теннис
- жүзу
- аква аэробикасы
- йога
- секіру

Базбіреулерге триатлон, бодибилдинг, пауэрлифтинг немесе кроссфитпен айналысқан да ұнауы мүмкін. Таңдау әркімнің өз еркінде. Бастысы өзіңізге ұнайтын және ләззат сыйлайтын болса болғаны. Өйткені сергектік пен күштің толқынын сезіну маңызды.

Өзіңізге мақсат қойып, тұрақты түрде айналысыңыз

Мысалы: 300 метрді жүзіп өту, 5 км жүгіру немесе дене жаттығуларын жасау сынды. Бұл әрине кішігірім мақсаттар. Бастысы оларға қол жеткізе білу. Қол жеткізген сайын ол кезекті бір жеңіс деп есептеу керек: өзіңізді бағындырдыңыз, жаман көңіл күйден арылдыңыз. Ал осы жаман көңіл күйден арылып, күйзеліспен күресу үшін спортпен қанша уақыт айналысқан дұрыс? Таңғы жаттығу және йогамен күнделікті айналысуға болады. Ал ауыр дене қимылдарын қажет ететін спорт түрлеріне аптасына 2-3 рет, 30-60 минуттан уақыт бөлген жөн.

Денеңізге де, миыңызға да демалып тұру керек, сол үшін шектен тыс жаттығумен айналысуға да болмайтынын естен шығармаңыз!

Жаттығулармен аптасына үш рет, 15-30 минуттан айналысып тұруға тырысыңыз. Алдымен 20 минуттық жаттығудан бастап, кейін 30, 40, тіпті 60 минутқа дейін ұзартсаңыз болады.

КСРО спорт шебері, биология ғылымдарының кандитаты Татьяна Лисицкая төмендегідей жаттығу түрлерін ұсынады:

- Кеңседегі немесе үйдегі сүйікті орындығыңызға қалыпты жағдайда отырыңыз.

- Жоғарыға қараңыз. Күлімдеңіз. Көзіңізді одан да алысқа жүгіртіп, тіпті ойша шекара асып кетсеңіз де болады.

- Қолдарыңызды асықпай 4-8 рет ашып жұмыңыз. Деміңіздің бірқалыпты ритмге қалай келгенін тіпті байқамай қаласыз. Ал енді осы қалпыңызды өзгертпестен алақаныңызды өзіңізге қаратып жоғары көтеріп-түсіріңіз (4-8 рет).

- Алақаныңызды көз алдыңызда ұстап, 2-3 минутқа көзіңізді жұмыңыз. Ал енді алақаныңызбен құлағыңызды жауып, саусақтарыңызбен құлағыңыздың артқы тұсын басыңыз. Осы қалыпта бір минут тұрған соң, құлағыңызды қатты қысып, бірден жібере салыңыз.

-Күйзеліспен күресуге арналған кішігірім бағдарламаны аяқтап болсаңыз, күлімдеңіз.


Дереккөзі: zozhnik.ru

Комментарии




Яндекс.Метрика