Әлем жаңалықтары
10 ақпан 09:49
Қытайда нәрестенің денесін өртемек болған кезде тіріліп кетті


Дәрігерлер өлі деп таныған нәресте өртеуге санаулы минуттар қалған кезде тіріліп кеткен. Ол бір тәулікке жуық салқын мәйітханада жатса да, денесіне жан бітіп, оянып кетті, деп хабарлайды шетелдік БАҚ.  Ер бала Чжэцзян провинциясында 8 қаңтар күні, мерзімінен екі ай бұрын дүниеге келген. Ата-анасы дәрігерлердің айтқан нұсқауларына құлақ салмай, баланы инкубатордан алып кетпек болады. Екі күн өткен соң шақалақ ауырып қалып, көз жұмған. Дәрігерлер оны қайтыс болғанын белгіледі. Мәйіт температурасы минус 12 градус болатын  мәйітхананың ішінде 23 сағат болған.
Келесі күні оны өртеу үшін алып шығады, алайда сәби сол кезде жылап жіберген. Өртеу рәсімін жасамақ болған қызметкерлер дереу сәбидің ата-анасына хабарласып, істің мән-жайын айтады. Баланы өлді деп таныған дәрігер болса бұның ғажап оқиға екенін айтып, таңғалды, деп жазады шетелдік БАҚ.
 

Комментарии




Яндекс.Метрика