Әлем жаңалықтары
22 шілде 09:27
Маңғыстау облысында жолаушылар автобусы тұтастай жанып кетті (видео)


Ақтау-Жаңаөзен тас жолының 44 шақырымында «КАвЗ» маркалы автобусы отқа оранды. Автобуста тек қана жүргізуші болған. ТЖ департаментінің хабарлауынша, ол қауіпсіз жерге шығып үлгерген.
«Оқиға орнына Мұнайлы ауданының №5 өрт бөлімі бригадасы келді. Қызметкерлер өртті өшірді, бірақ автобус тұтас өртеніп кеткен», – деп хабарлады Маңғыстау облысы ТЖД кезекші бөлімі.
Автобус «Маңғыстаумұнайгаз» компаниясына тиесілі болған. Ол кен орнынан жұмысшыларды алып кету үшін Жетібай ауылына бағыт алған.
Өрттің шығу себептері анықталуда.



Дереккөз: stan.kz

Комментарии




Яндекс.Метрика