12 Декабрь
12:33
Астана: -18 °C
Алматы: -6 °C
USD/KZT: 335.05
EUR/KZT: 395.12
RUB/KZT: 5.66
CNY/KZT: 50.64
Спорт
15 шілде 10:51
поделиться:

Поделиться в Whatsapp

Универсиада-2015: Қазақстан 11-орынды жеңіп алды
Универсиада-2015: Қазақстан алтын медальдар саны жағынан өз рекордын жасады]Биылғы жылдың басты додаларының бірі - XXVIII Дүниежүзілік жазғы Универсиада болатын.



Осыдан бірер сағат бұрын шілденің 3 күні Оңтүстік Кореяның Кванджу қаласында жалауы желбіреген аламан доданың алауы сөнді. Оған әлемнің 146 елінен келген 12896 спортшы сайыстың 21 түрінен бақ сынап, 272 медаль жиынтығын сарапқа салды. Бұл жарысқа Қазақстаннан 95 спортшы қатысып, 6 алтын, 4 қола медальмен жалпы командалық есепте 11-орынды жеңіп алды.

Бірден айта кетейік, Қазақстан құрамасы жазғы Дүниежүзілік Универсиада тарихында биыл бірінші рет алтын медальдар саны жағынан ең үздік нәтижеге қол жеткізіп,  өз рекордын жасады. Ал бұған дейін 2007 жылы Бангкок қаласында 5 алтын медальмен жалпы командалық есепте тағы да 11-орынды иеленген болатынбыз.

Төрткүл дүниенің әр қиырынан жиналған студенттер академиялық есу, бадминтон, баскетбол, бейсбол, волейбол, гольф, дзюдо, жеңіл атлетика, жүзу, көркем гимнастика, қол добы, нысана көздеу, садақ ату, семсерлесу, спорттық гимнастика, су добы, суға секіру, таэквондо, теннис, үстел теннисі, футбол секілді спорт түрлері бойынша сайысқа түсті.

Қазақстан Ұлттық құрамасының қоржынына алғашқы  алтын жүлдені жүзуші Дмитрий Баландин (жүзу, 100 метр, брасс) салды. Осыдан кейін ол брасс әдісімен 50 метр қашықтықта қола жүлдені еншіледі.

Қазақстанның Универсиададағы «жарық жұлдызына» айналған жеңіл атлет Виктория Зябкина бір өзі Қазақстан қоржынына 3 алтын жүлде салды. Ол жекелей сында 100 және 200 метр қашықтықта чемпион атанды. Сонымен қатар, командалық эстафетада (4х100) Анастасия Талапина, Светлана Иванчукова және Юлия Рахмановамен бірге Универсиада жеңімпазы болды.

Осыған қоса таэквондошы Нұрсұлтан Мамаев пен сырықпен секіруші Никита Филиппов та жеңістің ең биік сатысына көтеріліп, 5-6-алтын жүлдемен Қазақстан құрамасын жалпы есепте 11-орынға көтерілуіне өз үлестерін қосты. Ал тағы үш қола жүлдені дзюдошы Жанар Қашқын (70 келі) мен стендік атудан ерлер және әйелдер құрамасы әкелді.

6 алтын медальдың бесеуін Әл-Фараби атындағы ҚазҰУ студенттері жеңіп алды. Дүниежүзілік Универсиаданың тарихына үңіліп қарайтын болсақ, осыған дейін осындай көп көлемді алтын медальдарды бір жоғары оқу орнының студенттері алып көрмеген екен. Демек бұл да биылғы додадағы басты жаңалықтардың бірі деуге толық негіз бар.

Дереккөзі: ҚазАқпарат







 
нравится:    705
Теги: Спорт жаңалықтары,
поделиться:

Поделиться в Whatsapp

Loading...
Читайте так же:

Комментарии