18 Август
03:28
Астана: 16 °C
Алматы: 15 °C
USD/KZT: 332.68
EUR/KZT: 389.40
RUB/KZT: 5.60
CNY/KZT: 49.85
Әлем жаңалықтары
7 маусым 10:51
поделиться:

Поделиться в Whatsapp

Үйлену тойын жасау үшін қанша қаражат керек?

Қазақстанда той жасау үшін шамамен қанша қаражат керек? 7kun.kz назарларыңызға үйлену тойының шамалап есептелген бюджетін ұсынады.

Той жасау туралы келісімге келіп, күні белгілі болған соң, мейрамхана іздеу басты орында тұрады. Себебі, Алматы секілді мегаполисте мейрамханалардың бос болмай қалуы ғажап емес. Орта есеппен 100 адамның қатысуымен өтетін тойды есепке алайық. Алматы қаласының тойханаларында кем дегенде адам басына 2500 теңге алады. Бұл ең арзан деген тойханаларда. Орташа бағада бір адамға 5 000 теңге. Қаражатыңыз жетіп жатса, бір адамға 50 000 теңге алатын мейрамхана залдарында жасай аласыз.

Ендігі мәселе - тойға шақыру қағаздары.  Алматы қаласының фотосалондары түрлі қызметтер ұсынады. Бір фотосурет бағасы 30 теңгеден басталады. Ал ашықхат жасату қымбаттау келеді. Себебі, сырт көрінісі "бай" көрінеді. Олардың бағасы болса, ең арзаны 100 теңгеден бастау алады. Егер өзіндік дизайн жасатуға ниет білдірсеңіз, жеке дизайн үшін 3000-5000 теңге артығымен төлейсіз. Есесіне, ондай шақыру қағазы ешкімде болмаған.

Көйлектің түріне байланысты ақшасы да түрлі болады. Жалға алатын болсаңыз, құны 15000 теңгеден басталып, әрі қарай шексіз кете береді. Сатып алар кезде де құны 45 000 теңгеден басталады.

Енді қарастыратын мәселе – киім және аксессуарлар. Ақ көйлекті өміріңізде бір рет қана киесіз. Мәселен, атақты дизайнерлер ұсынған көйлектерге қаражатыңыз жетпеуі мүмкін. Есесіне, соған ұқсас көйлектерді Алматының "барахолкасынан" бірнеше есе арзан бағаға табуға болады. Көйлектің түріне байланысты ақшасы да түрлі болады. Жалға алатын болсаңыз, құны 15000 теңгеден басталып, әрі қарай шексіз кете береді. Сатып алар кезде де құны 45 000 теңгеден басталады.

Ер адамға арналған киім таңдау айтарлықтай қиын емес. Костюм-шалбар немесе смокинг табу біршама жеңілдеу. Екеуін де жалға алуға болады. Құны 10-15 000 теңге шамасында. Қалыңдықтың фата, алқа, сырға, диадема және т.б ұсақ бұйымдарының өзіне кем дегенде 10 000 теңге кетеді. Қалыңдықтың қолына ұстайтын гүлдерінің де түрі бар. Егер шын гүлдерден жасататын болсаңыз, бағасы 5000 теңгеден басталады.

Екі жас үшін мәңгі қымбат болып қалатын бір дүние – неке жүзігі. Алматы базарларында неке жүзіктері 3000 теңгеден толып тұр. Ал, дүкендерде орташа бағасы 20 000 теңге.

Көйлек пен гүлден бөлек, қалыңдықтың макияжы мен шаш үлгісі ерекше болуы тиіс.Тойға арналған макияж әдеттегіден өзгеше әрі қымбатырақ болады. Арзан салондарда қарапайым макияж 4000 теңгеден басталады. Ал орташа бағадағы макияж – 15 000 теңгеден басталады. Шаш үлгісі шашыңыздың ұзындығы мен ойыңыздағы үлгінің күрделілігіне байланысты. Қарапайым жасатуды қаласаңыз - қарапайым ғана ақшаға шығады. Орта бағада – 10 000 теңге.

Тойдың сәнге айналған түрі — лимузиндермен, сәнді күймелермен қыдыру. Олардың да бағасы түрлі. Сағатына 30 000 теңгеден табылады.

Тойдың сәнін келтіретін бірден-бір жан – асаба. Ең кемі асабаның өзіне 20 000 теңге кетеді. Бүгінде ең қымбат асабалар болып саналатындары Тұрсынбек Қабатов пен Нұржан Төлендиев. Олар нақты бағаларын жасырады. Десе де 500 000 теңгенің шамасы болады деген сөз бар. Алматы қаласына шақыратын болсаңыз, жол-пұлы да сізден шығады. Ал орта бағадағы асабалар қатарында Бейбіт Сарыбай, Асхат Қылышбек, Олжас Сыдықбектер 100 000 теңгеден жоғары бағаланады.

Мейрамхананы ұлттық нақышта безендіргіңіз келсе кемінде – 25 000 теңге қаражат қажет.

Сонымен бірге той мәзірі де назардан тыс қалмақ емес. Той мәзірінде әдетте 4-5 түрлі суық тағам, 3 түрлі тіскебасар, 2 ыстық тамақ болады.  Бұл аталғандар мейрамханаға төленген қаражаттың ішінде.Тек қана сусындар үшін 150 000 теңге кетеді. Етті өзіңіз әкелетін болсаңыз, бір сиыр не жылқы союға тура келеді.

Тойдың сәнін келтіретін романтикалық бөлімі – торт. Торттың килограмы 1500 теңгеден басталады. Оның көлемі өте үлкен болуы шарт. Себебі, келген қонақтың көпшілігі торттан ауыз тигісі келеді. Осылай есептей келе, торт үшін кемінде 15 000 теңге алып қойыңыз. Одан бөлек бүгінде бірнеше қабаттан тұратын торттар өте сәнді. Оның орташа бағасы – 30 000 теңге.

massaget.kz
нравится:    1436
Теги: Қоғам, Главная,
поделиться:

Поделиться в Whatsapp

Loading...
Читайте так же:

Комментарии