22 Август
22:50
Астана: 21 °C
Алматы: 19 °C
USD/KZT: 333.08
EUR/KZT: 391.50
RUB/KZT: 5.64
CNY/KZT: 50.00
Мәдениет
1 наурыз 15:55
поделиться:

Поделиться в Whatsapp

ЗЕЙНЕП АХМЕТОВА «ШАНШАР» ТЕАТРЫН ҚАТАҢ СЫНҒА АЛДЫ

Атақты Бауыржан Момышұлының келіні Зейнеп Ахметова «Шаншар» әзіл-сықақ театрының басшыларын қатаң сынады, деп хабарлайды Baistars.kz.

Зейнеп Ахметова ең алдымен әзіл-сықақ театры мен кинолардағы әйел рөлін сомдайтын актерлерді сынады. «Айта-айта шаршадым, бірақ тағы айтамын» — деп бастады сөзін тәлімгер-жазушы. «Теледидарды қосып қалсам «Шаншардың» көрінісі болып жатыр. Бір кемпір сөйлеп жатыр, ол кемпір емес, жігіт екен. Байқайсыздар ма, біздің қазақтың жігіттері қатын болуға әуес болып алды? Іштерінде бірдеңе түртіп тұрады, солардың бір бәлесі бар. Әйтпесе дардай ер азамат неменеге сонша әйел болуға тырысады? Басына орамал салып, үстіне көйлек киіп… Әйелдердің рөлін сомдайтын әйелдер, келіншектер құрып қалды ма? Үп-үлкен ер-азаматтар әйел болуға құмар болады да тұрады. Ырбыңдайды да тұрады. Соны керемет келістіріп те жатқан жоқ» — деді тәлімгер-жазушы.

Содан кейін «Шаншар» театры қойған бір көрініс қазаққа жат екенін айтты. «Бір шалдың үш келіні сахнаға атып шығады. Бір келін қайын атасын мойнына міңгізіп алған. Екі келіні қасында үшеуі шауып келе жатыр. Сөйтсе шалдың туған күні екен, соған сюрприз жасағандары. О, заманда, бұ заман, келіннің мойнына мінген қазақтың шалын көрдіңдер ме? Оқымаған, сұмырай шалдың көрдіңіздер ме? Жоқ! Сұмырай шалдың өзі келіннің мойнына отырмайды. Қазақтың келіні қайын атасының кебісіне аяқ сұқпаған, ененің төсегіне отырмаған. Ата-ененің алдынан кесіп өтпеген» — деп ашынды атақты келін.

Зейнеп Ахметова бұдан соң театрдың басшыларын қатаң сынға алды. «Соны көрген кішкентай қыздар қалай қабылайды? Дүниенің бәрін білетін Уәлибек Әбдірайымов соған келгенде неге білмей қалды? Немесе Жүсіп, сақалы аузына түскен еркек, немере сүйіп отырған. Солар неге айтпайды? Мынау біздің салтымызға оғаш нәрсе деп. Мынау қазаққа қиянат, болмайды, басқаша күлдірейік. Ит болып үрейік, шошқа болып қорсылдайық, бірақ мынаны істемейік деуге болады ғой. Намыс жоқ! Намысымызды жоғалтып барамыз. Намыс жоқ жерде ұлттық қасиеттеріміз де жоғалады!» — деді Ахметова.



baistars.kz
нравится:    5769
Теги: Главная,
поделиться:

Поделиться в Whatsapp

Loading...
Читайте так же:

Комментарии

  • Татьяна2016-03-01 22:06:37
    келісемін,кейде өз апаларын,қарындастарын сондай кеміс қылып көрсетіп тұратын сияқты ,мен олардың бағдарламасына тегін билет берсе де бармаймын, өйткені ещ мағына жоқ,
  • Гаухар2016-03-02 03:50:56
    Оте дурыс орынды айтылган создер!
  • Тұрақ Адисұлы2016-03-02 12:15:43
    Зейнеп апамыз өте дұрыс айтады!Мен де солай ойлаймын.
  • Moldir2016-03-02 12:53:41
    Өте дұрыс айтады, мен жеккөрем сол шаншар маншар дегендерді. Әзілдері базарда болатын әңгімелер, ештеңе күлкілі емес, деңгейлері өте төмен. Жоғарыда айтылғандай, мен де тегін болса да бармас едім, өйткені уақытын бостан-босқа өтеді. Интонацияларының өзі құлаққа жағымсыз, бұрынғы қазақтың астарлап айту өнері мен жалпы юмор атты дүниеден өте алыс. Одан да көп оқып сауаттарын ашса екен деген тілек.
  • Жарқын.2016-03-02 21:39:24
    Өте дұрыс.Еш мәні жоқ дәмі жоқ арзан өнер деуге келмейтін иттің үргені секілді.Залда отырғандар неге күліп жатыр түсінбеймін.Басқа нәрсемен айналысыңдар Өнер қырандары мен Базар жоқтан басқаларың.
  • Бисенбай2016-03-02 22:25:00
    Зейнеп апамыз дурыс айтады шалбар киген еркекке əйел адамнын киімін кигені жараспайды. Шаншар театры тарап кетсе куп болар еди маганалы соз болса екен коріністерінде жалпы кормеймин өз басым оданда КВН миз тыныш апама алғыс айтамын осы такырыпты козғап ой салғанына
  • НУРӘДІЛ2016-03-02 23:11:01
    КЕЛІСПЕЙМІН. Дәстүр дәстү дей берсек бәріміз түңіліп, түңеріп жүреміз бе? Аталарымыздың өздері айтып кеткен емеспе, ойнай білсең атаңмен ойна деп. Бұл жай жұмыбастылықтан, күнделікті күйбен тірліктен, қусанда жеткізбейтін ақша қуған заманнан бір арылып, көңіл көтеріп, демалып қайтатын жер емес пе театр деген. Біздің қазақтарға ештеңе де жақпайды осы, отырса опақ, тұрса сопақ деуден басқа ештене білмейді. Ақылшы, дәстүршіл болсаЗейнеп әжеміздің өзі үстіне камзол кейіп, басына кеймешек кейіп үлгі болмайма. Современый әже болып водоласка мен костюм кейіп алған емес пе озі? Тікесін айтқаныма өкпелемендер, бұл менің өз ойым.
  • сабит2016-03-03 13:12:40
    адамдардын конилин котеру онай ма? отырып алып сынга алудан баска тук билмейт дал казир шаншар мен нысана коринистери кызык
  • Шынар2016-03-03 22:50:13
    Зейнеп апаймен келісемін. Шаншар театрының сәні кетіп қалды. Мағынасыз әзілдер. Нысана театры мүлдем ұнамайды. Әсіресе, Нұрболды көрсем жиіркенішті. Теледидардан сол театрды көрсем өшіріп тастаймын. Бұл өз ойым.