Әлем жаңалықтары
8 шілде 09:45
Жапонияда бір шоқ жүзім 11 мың долларға сатылды

Жапониядағы аукционда бір шоқ қызыл жүзім рекордты сомаға - 11 мың долларға сатылды. Оны сатып алған супермаркет иесі 30 жидектің әрқайсысына шамамен 360 доллардан төлеген.
Бұл «Қызыл күрең римдіктер» деп аталатын жүзімнің жаңа, ерекше, тәтті сорты Жапонияның Исикава префектурасында өсірілген және сатылымға алғаш рет шығарылып отыр.
«Біз бұл жүзімді сатып алушылардың дәм татуы үшін дүкеніміздің алдына шығарып қоямыз», - деді супермаркет иесі Такамару Кониши.
Жапондықтар премиум-класс жемістері үшін қомақты қаржы жұмсайды. Жапон дәстүрінде жоғары мәртебелі адамдарға - басшыларға жеміс-жидек сыйлау үлкен құрметтің белгісі болып саналады.

Дереккөз: ҚазАқпарат

Комментарии




Яндекс.Метрика