20 Август
04:34
Астана: 11 °C
Алматы: 12 °C
USD/KZT: 332.80
EUR/KZT: 390.57
RUB/KZT: 5.60
CNY/KZT: 49.88
Кербез
17 қыркүйек 11:46
поделиться:

Поделиться в Whatsapp

Жүкті әйелдерге арналған жаттығулар
Жүкті әйел үшін құрсағындағы баласын аман-есен жарық дүниеге әкеліп қана қоймай, босанғаннан кейін өзінің де денсаулығының мықты болуы маңызды. Ал ол үшін дұрыс әрі уақытылы тамақтану, өз-өзін күтумен қатар үнемі қозғалыс керек.



Жеңіл босану үшін жүктіліктің әр кезеңіне арналған дене жаттығуларын уақытылы жасап тұрған жөн. Есіңізде болсын, кез келген жаттығуды жасай беруге болмайды! Жаттығулардың оңай-қиындығына, оларды жасау үшін қаншалықты күш жұмсалатынына, дене салмағыңыз бен денсаулығыңыздың жағдайына және бастысы, жүктіліктің қай кезеңінде екеніңізге аса мән беріңіз.

3 айға дейінгі жүктілік кезеңінде

Бұл уақытта жүкті әйелдердің көңіл күйі тұрақсыз болады. Үнемі өзгеріп, көп жағдайда көңілдері түсіп жүреді, сондай-ақ тез ашуланшақ болып келеді. Сондықтан бұл кезеңде жасалатын жаттығулар «көңілді» болғаны жөн. Деміңізді ішке тартып, сыртқа шығарып, тыныс жолдарының жаттығуларын жасаңыз. Әр дем сайын тіндер оттекпен жақсы қоректеніп қана қоймай, көмірқышқыл газын сыртқа шығарады. Оттектің жетіспеуі салдарынан баланың орталық жүйке жүйесі зақымданатынын ескерсек, бұл жаттығуды үнемі жасап тұруға дағдыланған дұрыс.

Дем жаттығулары құрсақ қуысындағы – ішек-қарын, бауыр, ұйқы безі, көк бауыр, бүйрек үсті безі және несеп, жыныс органдарына жақсы массаж болады.

Дем жаттығуларын жүктіліктің алғашқы кезеңінен бастап, босанғанша жалғастырыңыз.

Таза ауада жаяу жүру де жақсы жаттығу болмақ.

Есіңізде болсын!

Жүгіруге, секіруге мүлде болмайды! Бұл түсік тастау қаупін арттырады.

Жаттығулар:

• Деміңізді ішке тартқанда иығыңызды жоғары көтеріңіз, ал сыртқа шығарғанда иықты алдыңызға жіберіңіз.

• Иығыңызбен ішк-сыртқа қарай дөңгелектер «сызыңыз».

• Басыңызды алдыға-артқа, одан кейін екі жағыңызға кезек-кезек бұрыңыз.


3-6 айға дейінгі жүктілік кезеңінде

Бұл кезде дене пішімі де өзгереді. Іш шыққандықтан қозғалысыңыз да бұрынғыдай емес. Беліңіз, әсіресе, ұзақ отырғанда қатты ауыруын бастайды. Сондықтан жамбас бұлшық еттеріне, қарын мен белге арналған жаттығуларды да бастаңыз. Мұндайда үлкен доппен жаттығулар, бассейнге бару да жақсы көмек болады.

Жаттығулар:

• 2-4 минут бір орында тұрып, жаймен жүріңіз.

• Бір орында тұрып, екі қолыңызды артқа созып, отырып тұрыңыз. Жаттығуды 3-4 рет қайталаңыз.

• Тізерлер тұрыңыз. Деміңізді сыртқа шығарғанда жамбасыңызды өкшеңізге тигізіңіз. Ал демді ішке тартқанда жамбасыңызды еденнен жоғары көтеріңіз. Жаттығуды 4-6 рет қайталаңыз.

• Шалқаңыздан жатыңыз. Тізеңізді бүгіп, екі қолыңызды екі жаныңызда ұстаңыз. Деміңізді ішке тартқанда аяғыңыздың арасын ашыңыз. Ал демді сыртқа шығарғанда аяғыңызды алдыға созып, еденге тигізіңіз. Жаттығуды 3-4 рет қайталаңыз.

6-9 айға дейінгі жүктілік кезеңінде

Бұл кезеңде жатыр, жамбас түбі бұлшық еттерінің босап, жиырылу-жазылуына арналған жаттығулар жасау керек. Бастысы, жаттығулар баяу, еш асығыссыз және күшсіз жасалуы керек. Жаттығулар: • Тізерлеп тұрыңыз. Деміңізді сыртқа шығарғанда өкшеңізге отырыңыз. Ал ішке тартқанда қайта тізерлеп тұрыңыз. 2-3 рет қайталаңыз.

• Бір қырыңызбен жатыңыз. Еденге тиіп тұрған қолыңызды бүгіп, ал екінші қолыңызды денеңіздің бойымен тік ұстаңыз. Демді ішке тартқанда кеудеңізді жоғары көтеріңіз. Ал қайта орныңызға жатқанда демді сыртқа шығарыңыз. Жаттығуды оң және сол жағыңызбен жатып, 2-4 рет жасаңыз.

Дереккөзі: anabol.kz
нравится:    5535
Теги: Аруларға кеңес,
поделиться:

Поделиться в Whatsapp

Loading...
Читайте так же:

Комментарии