|    |  
18 қараша 2019
03:27
​Алма Аманжолова ауыр өткен балалық шағы жайлы айтты
14 қазан 2019, 10:05 119
Белгілі әнші Алма Аманжолова «Оңай емес» бағдарламасына сұхбат беріп, балалық шағы, өнері мен отбасылық өмірі жайлы ашық әңгіме айтты.


 
«Әкесіз өстім. Әкем мен шешемнің маған дейін үш баласы болып, үшеуі де шетінеп кеткен. Әкем бір әулеттің үлкені. Енді туғандары бала тұрмаса, басқа әйел алып балалы-шағалы бол деген. Содан менің нағашы әжем де «Бұл бала да өліп қала ма кім біледі. Егер аман қалса ауру болса тағы қиналасың. Бар енді, басқа әйел ал, бағың ашылсын» деп рұқсатын беріп жіберген екен. Әкем кеткеннен кейін мен туамын. Менің есімімді жемістің атымен емес, «Құдай алмашы» деп қойған. Бірақ әкеме мені шетінеп кетті деген. Маған да әкең жоқ деп өсірді. Бірақ ауылдың адамдары «Сенің әкең бар. Отбасы бар. Қызылордада тұрады» дегенді айтып жүретін. Содан жиырма жасыма дейін әкемді көрмей өстім. Жиырма жасымда жарқ етіп сахнаға шықтым. Афишаларда суретім жүреді. Менің түрім әкеме ұқсаған. Фамилиям да әкемдікі. Әкем де сол афишалардан көріп жүрген ғой. Түрім ұқсап тұр, фамилиям өзінікі. Содан бір күні Қызылордаға концерт беруге бардық. Әнімді айтып, сахнаның сыртына шықсам сол кісі тұр. Енді бір-бірімізді айтпай білдік. «Сен Сәуленің қызысың ба?» деді. Шешемнің аты Сәуле. Мен «Сіз Тұрсынбайсыз ба» дедім. Содан үйге жүр, шай іш деді. Бірақ не деп барам. Кейін тағы бір концертіме келді, сол кезде шешем үйге шақырып, әкем, шешем үшеуміз отырып шай іштік. Кейін мен әкемнің жағына барып, бір ай жаттым, барлық туыстарымды араладым. Бірақ арада жылдар жатқан соң жақындық жоқ. Әкемді құшақтағым келеді, мойнына асылғым келеді. Мейірім жетпей өстім. Әкесі бар қыздарды көргенде жеке көретінмін»-дейді әнші.
Все новости