Sport
23 aqpan 10:29
Boksşı qazaq qızı Moñğolïya çempïonı atandı

Ulanbatır qalasında bokstan jastar arasında ötken el bіrіnşіlіgіnde qarındasımız Nurjamïla Batırbekqızı Moñğolïya çempïonı atandı dep xabarlaydı BAQ.KZ.  

KAZNEWS aqparat portalınıñ mälіmetіnşe, 48 kelі salmaqta şarşı alañğa şıqqan Nurjämïla barlıq qarsılastarınan basım tüsіp, altın medalğa qol jetkіzgen. Sonday-aq, ol jarıstıñ «üzdіk sportşısı» atağın qosa ïelenіptі.

18 jastağı Nurjämïla Bayn-Ölgïydegі qazaq jastarı arasınan şıqqan talanttı sportşılardıñ qatarında. Bul onıñ bіrіnşі retkі jetіstіgі emes. Qarındasımız 2013 jılı moñğol elіnіñ jasöspіrіmder arasında ötken bäsekesіnde top jarıp, respwblïka çempïonı bolğan edі. Moñğolïya jasöspіrіmder quramasınıñ qatarında şetelderge de barıp, jarısqa qatısqan. 
Al, osı ret 15-20 aqpan aralığında ötken el çempïonatında tağı bіr qarındasımız C.Güldäwren 51 kelі salmaqta sınğa tüsіp, qola jülde enşіleptі. 

​Baq.kz

Kommentarïï




Yandeks.Metrïka