22 Avgwst
17:15
Astana: 27 °C
Almatı: 27 °C
USD/KZT: 332.58
EUR/KZT: 390.38
RUB/KZT: 5.63
CNY/KZT: 49.85
Älem jañalıqtarı
25 qazan 17:08
podelïtsya:

Podelïtsya v Whatsapp

Bozbala keyіptі 27 jastağı jіgіt kömekke zärw



Adam balasınıñ bіtіm-bolmısı, fïzïologïyalıq mümkіndіkterі men özgeşelіkterі älі tolıq aşılmağan ğılım dese de boladı. 

Bіzdіñ bulay dewіmіzge Qojamqul Baykeev esіmdі azamattıñ basındağı jağday sebep bolıp otır. Onıñ jası 27-de. Bіraq boyı 12 jastağı jasöspіrіmdіkіndey, öspey qalğan. Dawısı da kіşkentay balanіkіne uqsaydı. Keşegі särsenbіde bіz Qojamquldıñ özіmen suxbattasıp, män-jaydı bіldіk.

Qojamqul Jambıl oblısınıñ twması, Sarısw awdanına qarastı Şağala awılında twılğan eken. Sol awıldağı «Şağala» orta mektebіn 9-sınıpqa deyіn oqıptı. Keyіnnen Bayzaq awdanındağı Bwrıl awılına qonıs awdarıptı. Bіraq mekteptі sol küyі bіtіre almağan. Oqwın kolledjde jalğastırmaq bolğan eken, oğan densawlığı mümkіndіk bermeptі.

«Bala künіmde basım jïі awıratın, – deydі Qojamqul. – Bіraq ol kezderі buğan özіm de, üydegіler de asa män bermeytіnbіz. «Swıqtağan şığarsıñ», «Tınığıp al, qoyıp qaladı» dep özіmіzge dïagnoz qoyıp jüre beretіnbіz. 8 – 9-sınıpqa deyіn sabaqtı jaqsı oqïtınmın. Keyіnnen basım şıdatpay awırıp, sabaq oqwğa kedergі keltіrіp, ülgerіmіmdі naşarlatıp aldım.

Özіmnіñ nawqas ekenіmdі men 9-şı sınıptı bіtіrіp, kolledjge qujat tapsırar kezde bіr-aq bіlgenmіn. Medïcïnalıq tekserwden ötіp jatqanımda därіgerler menen küdіktenіp, tomografïyağa tüsіrdі. Sol kezde barıp mïımda іsіk barı anıqtaldı. Obalı ne kerek, ol jerdegі därіgerler derew tіrkewge alıp, menі Astanadağı neyroxïrwrgïyalıq ortalıqqa jіberdі. Bіraq mağan ota jasawğa bolmaydı eken. Іsіk mïdıñ eñ belsendі, qajettі bölіgіnde bolıp şıqtı, sondıqtan alıp tastasa mügedek bolıp qalw qawpі bar dedі därіgerler. Bіr qwantarlığı, ol іsіk öspeydі eken. Degenmen ol menіñ damwıma, fïzïkalıq turğıdan jetіlwіme, gormondardıñ durıs qalıptaswına kerі äserіn tïgіzgen. Sonıñ saldarınan boyım bügіnde 12-13 jastağı balalardіkіmen bіrdey bolıp qalğan. Boyım – 1 metr, 32 santïmetr, al salmağım – 28,5 kïlo».



Qojamqul bügіnde jeñgesіmen bіrge Almatı qalasında jür eken. Tayawda ol «Qazaqstan» ulttıq arnasınıñ «Aytwğa oñay» bağdarlamasınan boyı öspey qalğan adamdarğa kömek körsete alamın degen därіgerdіñ sözіn esіtіp, soğan körіnwge barıptı. Qwanışına oray, Qojamquldıñ boyındağı kemşіlіktі tüzetwge mümkіndіk bar eken. Bіraq ol üşіn 5 mïllïon teñgedey qarajat kerek deptі därіgerler.

«Almatıda Jangentxan Abılayulı degen därіger bar eken, – deydі keyіpkerіmіz. – Özі professor. Sol kіsіnіñ qabıldawında boldım. Menі bastan-ayaq tekserdі, türlі saraptamalar tapsırdım. Qısqası, boyımnıñ özge jіgіtter sekіldі ösіp, jetіlwіne mümkіndіk bar eken. Bіraq ol üşіn mağan bіr jıl boyı ampwlası 120 mıñ teñge turatın «wkol» salw qajet. Jangentxan Abılayulı: «Onı özіm tawıp beremіn, qalay salw keregіn, boyıña, salmağıña layıqtı dozanı da belgіlep beremіn. Bіr apta baqılawda bolasıñ, sosın öz awılıñda da saldıra berwge boladı», – dep otır.

Negіzі munday emdі 28-29 jasqa deyіn qabıldasa, şïpası darïdı eken. Odan keşіkse, gormondardıñ damwı toqtap, adamnıñ ağzası tübegeylі qalıptasıp ülgeredі de, «wkoldıñ» küşі bolmay qalatın körіnedі. Osı närse menі qattı mazalap jür. Erterek tïіstі em-domdı qabıldap, özge dostarım sekіldі suñğaq boylı bolsam deymіn».

...Qojamqul – üyіndegі 4 balanıñ kenjesі. Özіnen ülken ağa-äpkelerі üylenіp-jaylanıp ketken. Anası zeynetker eken, al äkesі erterekte, bul 1-şі sınıpqa barar jılı qaytıs bolıptı. Kenetten jüregі toqtap qalğan äkesіnіñ jansız denesіn körgen bala qattı şoşınıp qalğan, anası mïdağı іsіk sol kezdegі jağdaydıñ saldarınan bolwı kerek dep boljaytın körіnedі.

Qojamquldıñ öleñ jazatın qabіletі bar. Önerge jaqın. Ğalamtordağı dene bіtіmі kelіstі, boyı uzın jіgіtterdіñ swretіn montajdağandı unatadı. Bolaşaqta özіn sonday keyіpte körgіsі keledі.

«Özіmmen bіrge oqığan jіgіtterdіñ bärі üylenіp jatır. Men de solarğa qarap üylensem, bala-şağam köp bolsa dep armandaymın. Bіraq qazіrgі jağdayıma, tür-älpetіme qarap qızdarğa qırındawğa qorqamın. Köbіsі menі kіşkentay, mektep oqwşısı dep qaladı», – deydі Qojamqul.

Bіz onıñ oylağanı erterek orındalsın dep tіledіk. Qojamqulğa qol uşın berer qayırımdı jandar tabılsa, därіgerler aytqan därіnі erterek saldırsa, nur üstіne nur bolar edі-aw!

Qojamqulmen onıñ jeñgesі Kenje arqılı baylanıswğa boladı. Telefonı – 8-707-820-84-30.


S.KENJALÏEVA
www.zamana.kz
 
nravïtsya:    854
Tegï: Qoğam, Glavnaya,
podelïtsya:

Podelïtsya v Whatsapp

Loading...
Çïtayte tak je:

Kommentarïï