23 Oktyabr
06:41
Astana: -5 °C
Almatı: 2 °C
USD/KZT: 335.24
EUR/KZT: 395.82
RUB/KZT: 5.82
CNY/KZT: 50.65
Älem jañalıqtarı
30 mawsım 11:29
podelïtsya:

Podelïtsya v Whatsapp

Dana Nurjіgіt: «Anammen äñgіmemіz jaraspaydı»


Tanımal telejürgіzwşі, jwrnalïst Dana Nurjіgіt eldі ïmandılıqqa şaqırıp, dіnnen sawat aşatın elіmіzdegі jalğız telearna – «Asıl arnağa» ökpesі bar tärіzdі. Dіnï nasïxattıñ bіrbetkeylіgіnen twğan anasımen arası alşaqtap bara jatqandığı twralı alañdawşılığın tіlşі älewmettіk jelіdegі jeke paraqşasında aqtarıp saldı, dep xabarlaydı Baq.kz tіlşіsі.

«Anamnıñ üyіnde ünemі «Asıl arna» qoswlı turadı. Ol kіsіnіñ namazğa jığılıp, oraza ustağanına köp jıl boldı. Almatıdağı Jandosov pen Rozıbakïev qïılısındağı meşіtte künі-tünі duğa jasaydı, arab tіlіnіñ sabağına baradı. 38 jasında jesіr qalğan jalğız bastı äyeldіñ ömіrdegі tіregі osı bop tur. Bіraq, menіñ aytayın degenіm bul emes. Közben körіp otırğanım menі qattı alañdatadı. «Asıl arna» da, meşіttegі ïmamdar da şınayı ömіrden öte alşaq-aw…», – dep jazadı jwrnalïst.

Onıñ aytwınşa, respwblïka deñgeyіnde terrorïstіk qawіptіñ sarı deñgeyі jarïyalanğanda, anası bul twralı mülde beyxabar bolıp şıqqan. Osı orayda xalıqtı sabırğa şaqırıp, dіnï sawattı aşwda arqa süyeytіn jalğız arna da «läm-lïm» demegen. Osıdan barıp BAQ ökіlі bіr salada bіte qaynasqan ärіptesterіnіñ jumısın sınğa aldı.

«Asıl arnanı» körіp otırıp bayqaymın, olardıñ bağdarlaması bügіngі künnіñ talabına say emes. Aqtöbedegі oqïğadan eşqanday sabaq almağan, etek jeñіn jïmağan. Xabarları sol küyіnşe, jaybıraqat, solıñqı küyde jürіp jatır. Al, menіñşe, Aqtöbe oqïğalarınan keyіn bul arna bükіl «setkasın» qayta qarap, xabardağı ekpіndі, nazardı nege awdarw kerektіgіn jіtі baqılap, memleket müddesіn, qala berdі tınıştığımızdı qorğaytın bіrden bіr arna bolwğa tïіstі edі ğoy», –  dep küyіnedі telejürgіzwşі.

Osı orayda meşіttegі ïmamdar ülken kіsіlerge de, jastarğa da Quran sürelerіn ğana emes, sonday-aq bul memleket qazіr qanday kezeñdі bastan ötkerіp jatqanın, türlі dіnï ağımdardıñ jetegіnde ketіp, qatelesken momındardı jolğa salw jönіnde söylesw kerek dep sanaydı ol.

«Anammen osı mäselelerdі qozğap tіldeseyіn desem, äñgіmemіz mülde jaraspaydı. Ol kіsі ïä bul jayttardan xabarsız, ïä meşіtterde tek qana musılman parızı jaylı äñgіme boladı. Alañdaw, osı jaylı oylanw, jaqındarımen söylesіp, eñ bіrіnşі otbasına berіk bolw joq. Qudayğa qulşılıqtı bіrіnşі orınğa qoyıp, qasındağı jaqındarın körmewge şaqıra ma bіlmeymіn… Ömіr bölek, dіn bölek. Üyde de bölek adam bola bastadıq. Alañdaymın…», – dep oyın tüyіndedі D.Nurjіgіt.
nravïtsya:    1347
Tegï: Qoğam,
podelïtsya:

Podelïtsya v Whatsapp

Loading...
Çïtayte tak je:

Kommentarïï