19 Oktyabr
13:18
Astana: 4 °C
Almatı: 12 °C
USD/KZT: 333.57
EUR/KZT: 391.81
RUB/KZT: 5.81
CNY/KZT: 50.37
Älem jañalıqtarı
7 şіlde 14:10
podelïtsya:

Podelïtsya v Whatsapp

Esten ketpes erek kün


Tarïxï oqïğağa qayta oyıssaq. Sol jılı mektep oqwşıları arasında jas Astananıñ sïmvolı bolwğa layıq arwdı anıqtaw üşіn konkwrs uyımdastırıldı. 200 ümіtker sınğa tüsken sa­yısta №31 mekteptіñ şäkіrtі Mädïna Zakïrova layıq dep tanıldı, dep jazadı «Egemen Qazaqstan» gazetі.

- Ärïne, bul Astana tarïxın­dağı aytwlı kün. Otandıq dïzaynerler mağan arnap ädemі köylek tіktі.  Sol keşte elіmіzdіñ tanımal änşіlerі Bawırjan Ïsaev pen Nağïma Esqalïeva «Astananıñ alğaşqı tañı» änіn şırqağanda, Pre­zïdentke gül şoqtarın usın­dım. Qobaljığanım ras.  Bіraq, «jas Astananıñ sïmvolı», «Ewrazïya arwı» dep xabarlap jatqanda boyımdı tіktep, tek alğa qaray umtıldım, - dep eske aladı Mädïna.

Mädïnanı alğaş körgende, tañdanıp qaldıq. Sol bayağı sulw qız. Astanamen bіrge qulpırıp, jıl ötken sa­yın jasarğan­day.  Aytwınşa, mektep bіtіrgen soñ zañger mamandığı boyınşa jo­ğarı bіlіm alğan. Oqwın  tämamdağannan keyіn türlі sän agenttіkterіnen bіrlesіp jumıs іstewge şaqırtw alıptı. Alayda, bärіnen bas tartıp, ulttıq kom­pa­nïyağa jumısqa ornalasadı. Maqsatı - öz salasınıñ mamanı bolw. Keyіnnen ömіrlіk jarın jolıqtırıp, turmısqa şığadı.

«Qızdıñ bastı maqsatı - ke­­lіn bolw. Ata-anamnan alğan tärbïem ğoy, öz otbasımnıñ, öz balalarımnıñ bolğanın qaladım.  Öytkenі, säbïdі ömіrge äkelw bar, al onı tär­bïelep, azamat qatarına qosw ülken jawapkerşіlіktі qajet etedі» deydі ol.

Mädïna ïnjenerler otbasınan şıqqan. Äkesі Qanat Bazkenulı Astanağa eñbegі sіñgen ïnjener. Sonaw elorda  qurılısı qaynap turğan şaqta onıñ jetekşіlіgіmen  bіrneşe turğın üyler, zawıttar, kombïnattar  sa­lınğan. Al, anası Märïyaş Köşerbayqızı «Celïnograd tyajstroy» käsіp­orı­nında talay jıl jumıs іste­gen. Qazіr jeke käsіppen aynalısadı.

Bügіnde Mädïnanıñ özі Ösken­baevtar äwletіnіñ kelіnі.  Köpbalalı ana. Joldası Almaz  ekewі ekі ul, ekі qız tärbïelep otır.  Ärïne, balalarına bas-köz bolıp, olardı erkeletetіn ata-enesіnіñ barına şükіrşіlіk aytadı.

- Bіr äwletke jañadan  kelіn bolıp tüskennen keyіn, sіñіsіp ketwіñ kerek. Bul rette anam Märïyaş pen dünïeden ötken äkem Qanatqa qarızdarmın.  Olardıñ ömіr boyı bergen bіlіmі, tälіm-tärbïesіnіñ arqasında süyіktі kelіn atandım. Allağa şükіr, ata-enem de jaqsı adamdar. Menі öz qızdarınday bawı­rına bastı. Bіlmegenіmdі üy­rettі. Eñ bastısı otbasımızda bereke bar, - deydі ol.

Negіzіnde, Öskenbaevtar äw­letі astanalıqtarğa etene tanıs. Äwlettіñ äkesі Bolat Aytpayulı  Öskenbaev zeynet demalısına şıq­qanşa quqıq qorğaw organdarı salasında eñbek etken. Astana qalası Jol po­lïcïya­sı basqarmasınıñ bastığı bolğan. Elordanıñ güldenwіne,  joldağı tärtіptі qadağalawğa üles qosqan azamat. Zayıbı Mänşük Serіk­payqızı bіlіktі därіger, bar ğu­mırın medïcïna salasına arnap keledі.

- «Adam urpağımen jasaydı», täp-tättі neme­re­lerіmіzdіñ qul­dırañdap jügіrgenі qwantadı. Ärbіr jetіstіgіne mäz bolamız.  Balam men kelіnіmnіñ ülken qızı Aydana  6-sınıpqa öttі. Atqa mіngendі unatadı. Tіgіn tіgіp, anasına tağamdar dayındawğa kömektesedі. Odan keyіngі nemerem Äl­mansur 3-sınıpqa köşedі. Özі fwtbolmen äwestenedі. Bïıl 1-sınıpqa baratın Abdwlmälіk te sportqa qumar, onıñ іşіnde karate jäne xokkey üyіrmelerіne  barıp jür. Al, ekі jastağı kіşkentay erke Ämïnamız köz-qwanışımız.  Ïnabattı kelіn - ulttıñ uyıt­qısı, dep jatamız ğoy. Bіzdіñ äw­lettіñ şın janaşırı, jası kelgen kіsіnі sıylap, jan-jağına  іzettіlіk tanıta bіlgen Mädïnanı bіz de maqtan tutamız, - deydі Mänşük apay.



Äñgіme arasında, Mä­dïna elordanı janınday jaqsı köretіnіn ayttı. Qalamızdıñ jetken ärbіr jetіstіgіne şın qwana bіletіn  patrïot jandar­dıñ qatarında ekenіn jasırmadı.

- Astana köz aldımızda kör­keyude. Xalıqaralıq jïındar­dıñ ortalığına aynalıp ülgerdі. Turğındardıñ  jaylı ömіr sürwіne barınşa jağday jasalwda. Äsіrese, balalarımızdıñ bolaşağı zor boladı  dep oylaymın. Elordanıñ ärbіr turğını baqıttı bolsa eken dep te armandaymın. Elіme tek beybіtşіlіk, jaqsılıq tіleymіn, - deydі ağınan jarıla.

Astananıñ tusawkeser räsіmіnde Mädïna kïgen köy­lektіñ erekşelіgі - matadan tіgіlmegendіgі. Qolmen to­qılğan. Krïnolïn, möldіr mon­şaq, türlі-tüstі usaq tas­tarmen äşekeylengen. Ärі jіbek kestemen örnektelgen. 36 tüsten turatın köylek  pa­yetka jäne venecïyalıq bïsermen toqılğandıqtan erekşe jar­qıraydı.  Salmağı - 9 kelі.

Qazaqstanda eñ alğaşqı aşıl­ğan  «OXІ» sän üyіnіñ bul köylegі tarïxï eksponat dep tanılğan.  «Astana-Ewrazïya arwı»  kompozïcïyası re­tіnde künі keşege deyіn Prezïdent mädenïet ortalığına kelwşіlerdіñ nazarın awdarttı.   Bіr qızığı, qazaqstandıq on şeberdіñ qolınan şıqqan twındı jumısına  segіz ay waqıt ketken körіnedі. Qunı sol jıldarı  Astanadağı üş bölmelі päterdіñ bağasına teñ tüsken. Av­torı ärі bas dïzaynerі - Oksana Korbï-Şamïna.

2000 jılı Mäskewde ötken «XXІ ğasır - jaña Resey» attı xalıqaralıq körmede «Qazіrgі zamanğı Qazaqstan tarïxı» sän kollekcïyasına engen atalmış köylek  joğarı bağalanğan. Francwz sän qawımdastığınıñ prezï­dentі Şarl de Kostel-ba­jaka  festïvaldіñ arnawlı jüldesіmen marapattağan. Osı bayqawdan keyіn tarïxï sättіñ kwäsіne aynalğan köylek burınğı Prezïdent mädenïet ortalığına  tap­sırılğan eken.

 Gülmïra AYMAĞANBET
«Egemen Qazaqstan» gazetі, 2016 jıl 6 şіlde, №128 (28856)
nravïtsya:    2077
Tegï: Qoğam, Glavnaya,
podelïtsya:

Podelïtsya v Whatsapp

Loading...
Çïtayte tak je:

Kommentarïï