19 Oktyabr
06:08
Astana: 6 °C
Almatı: 4 °C
USD/KZT: 333.57
EUR/KZT: 391.81
RUB/KZT: 5.81
CNY/KZT: 50.37
Sport
27 qazan 15:44
podelïtsya:

Podelïtsya v Whatsapp

Vasïlïy Levït: «Polïcey bolw – bala armanım»



Olïmpïada oyındarınıñ kümіs jüldegerі Vasïlïy Levïtke leytenant atağı berіldі. Osı orayda, Rï-2016 Olïmpïada oyındarınıñ kümіs jüldegerіn äñgіmege tartqanımızda onıñ bala künіnde polïcïya qızmetkerі bolwdı armandağanın jäne matematïkanı tereñdetіp oqıtatın mektepte bіlіm alğanın bіldіk. Budan bölek, onıñ körkem ädebïetke degen maxabbatı da erekşe eken, körkem şığarmalardıñ іşіnde Dante Alïgerïdіñ «Bojestvennaya komedïya» şığarmasın erekşe atap öttі.

– Vasïlïy özіñіzdі leytenant şenіn alwıñızben quttıqtaymın! Rïo Olïïmpïadasınan keyіngі ömіrіñіzdegі osı jäne özge de özgerіsterdі qalay qabıldadıñız?!
– Olïmpïada ömіrіmdі müldem basqa arnağa burdı dey almaymın. Ömіrіmdegі oñ özgerіster men jaqsı jañalıqtardı jağımdı qabıldap kelemіn. Mіnekey, özderіñіz kwä bolğandarıñızday leytenat şenіn aldım, öte qwanıştımın. Ïä, bügіnde bіzge köp köñіl bölіnwde, eldіñ ıqılası men nazarı erekşe. Alayda, men munı qalıptı jağday retіnde qabıldaymın. Al Olïmpïada oyındarı kezіnde janküyer bolğan jandarğa erekşe alğıs aytqım keledі. Osı künderі qoldawşılarımızdan köptegen quttıqtaw xabarlamaları kelіp tüsіp, jılı-jılı sözder aytılwda. Olardıñ barlığına bіrdey jawap bere almaytınım üşіn keşіrіm ötіnemіn, bіraq qoldawları men ıqılastarın sezіnіp kelemіn. Barlıqtarıña mıñ alğıs!

– Vasïlïy, boksqa qaşan jäne qalay kelgenіñіzdі aytıp berseñіz? Nelіkten basqa emes däl osı sport türіne tañdawıñız tüstі?
– Kez kelgen kіşkentay bala sïyaqtı men de bala künіmde özіmdі ğana emes, özgelerdі de qorğay alatın küşі köp qayrattı jіgіt bolsam dep armandadım. Onıñ üstіne menіñ boksqa qabіletіm de jaqsı boldı, bala kezіmnen sättі qadamdar jasap jürdіm. Jalpı, men Qostanay oblısınıñ Fedorovka awılında twıp-östіm. Awıldı jer bolğasın, sporttıq sekcïyalar onday köp bolğan joq, bar-joğı boks pen kïkboksïngten ğana sekcïya jumıs іstep turatın. Menіñ tañdawım kïkboksïngke tüstі, bіrіnşі sınıptan bastap osı sport türіmen aynalısa bastadım. Al 7-sınıpqa kelgende awıldan bіrjolata köşіp, Qostanayğa qonıs awdarıp, ol jaqta ata-äjemnіñ qolında turdım. Qalada Asılxan Bwswrmanov esіmdі jattıqtırwşınıñ qolastında jattıqtım. Jattığıp jürіp alğaş ret bokstan jäne kïkboksïngten ötken twrnïrge de qatıstım. Allağa şükіr, alğaşqı qadamdarım sättі bolıp, ekewіnen de jüldelі oraldım. Bіraq, aqır soñında boksqa bet burwğa bel bayladım, sebebі qaytkende de bul olïmpïadalıq sport türі.

– Qaşan alğaş ret Qazaqstannıñ boks quramasına qabıldandıñız?
– Bul quramağa 2009 jılı Qazaqstan çempïonatında jeñіske jetken soñ qabıldandım. Bärі sodan bastaldı.

– Rïo-de-Janeyrodağı Olïmpïada oyındarına joldama almas burın Sіz uzaq waqıt «Astana Arlans» käsіbï boks klwbınıñ quramında öner körsettіñіz. Sіzge bokstıñ osı deñgeyіne ötw oñay boldı ma, älde?…
– «Astana Arlans» käsіbï boks klwbınıñ boksşı retіnde qalıptaswıma bergenі köp boldı. Boksqa belgіlі bіr mamandıq retіnde äldeqayda baysaldı qaray bastadım. Degenmen de, jattığwdıñ formatı da özgerdі, rïngte burınğıday 3 rawnd emes, 5 rawnd bokstaswğa twra keldі. «Astana Arlans» komandası quramında öner körsetw – bul men üşіn ülken täjіrïbe, osı quramada öner körsetіp jürіp Dünïejüzіlіk boks serïyasına qatıswdıñ arqasında Rïo Olïmpïadasına joldamağa qol jetkіzdіm.

– Olïmpïada oyındarına dayındıq barısı, jalpı jattığw procesі qalay öttі? Qayda jattıqtıñız jäne aptasına neşe ret?
– Jattığw maşıqtarı negіzіnen Almatı men Astana qalalarında öttі. Rïo Olïmpïadasınıñ aldında soñğı ret Astanadağı arnayı bazada jattıqtım. Aptasına 6 kün, yağnï jeksenbіden basqa künderі jeke bağdarlama boyınşa kündelіktі tüske deyіn jäne tüsten keyіn künіne ekі ret jattıqtım. Bul menіñ küş körsetkіşіm men tözіmdіlіgіmdі tarazılap, soqqılarımdı salmaqtawğa mümkіndіk berdі.

– Ağzanı qalpına keltіrw üşіn ünemі qorektenіp otırw qajet. Sіzdіñ durıs tamaqtanw racïonıñız qalay jäne qanday azıqtardan turdı?
– Men dïeta ustadım. Täwlіktіñ ekіnşі jartısı, yağnï tüskі 15:00-den bılay qaray quramında kömіrsw bar tağamdardı qabıldamadım. Tağam mölşerі menіñ salmağıma säykes gramdap ölşendі. Arnayı menіñ salmaq mölşerіm men ağzama säykestendіrіp jasalğan tamaqtanw bağdarlamasına say künіne 5-6 ret azıq qabıldadım.

– Rïo-de-Janeyronıñ sіzderdі qalay qarsı alğanı jäne qanşalıqtı qonaqjaylılıq tanıtqanı jönіnde aytıp berseñіz?
– Rïo-de-Janeyroğa arnayı qıdırıp barmağasın, qalanı aralap ersіlі-qarsılı jüretіn waqıt ta bolğan joq. Arasında waqıt tawıp, Ïïsws Xrïstostıñ müsіnіn tamaşalap ülgerdіk. Köbіne Olïmpïada awılında bolwğa twra keldі, öytkenі, twrnïr uzaqqa sozılğandıqtan sol aradan alıstap kete almadıq. Olïmpïada oyındarı ayaqtalğannan keyіn ekі-üş kün qalıp, qalanıñ körіktі jerlerіn közben körіp, estelіk swretke de tüstіk. Qala köñіlden şıqtı.

– Olïmpïadadan kümіs jülde ïelenw bul ekіnіñ bіrіne buyıra bermes baq, eselі eñbektіñ jemіsі. Dünïejüzі köz tіgіp otırğan Olïmpïada oyındarında özіñіzdіñ öner körsetkenіñіzge köñіlіñіz toldı ma?
– Buğan kelgende menіñ qağïdam mınaday:töreşі tartıs soñında qolıñdı joğarı kötermese, yağnï senіñ bіr jerden ağattıq jіbergenіñ. Olïmpïada oyındarına öz basım barlıq boksşılar sïyaqtı çempïon bolw üşіn bardım, sol üşіn küş-jіgerіmdі saldım. Ärbіr şayqasqa özіmdі-özіm іştey şıñdap, janımdı qïnadım. Bіr Alla Olïmpïadanıñ kümіs jüldegerі bolwdı jazsa, solay boladı eken. Al menі osı Olïmpïada oyındarına jatpay-turmay dayındap, senіmderіn artqan jattıqtırwşılar men bіzdіñ quramağa alğısımdı bіldіremіn.

– Sіzdіñ käsіbï boksqa ötetіnіñіz jaylı az äñgіme aytılıp jürgen joq. Jalpı, özіñіz osı qadamğa barwğa dayınsız ba?
– Käsіbï boksqa ötw oylağanday oñay şarwa emes, munıñ oñ-solın saralap, jan-jaqtı oylastırıp barıp qana bіr şeşіmge kelw kerek. Bul jönіnde äwelde otbasımmen, basşılıqpen, jattıqtırwşılarımmen keñesemіn, sodan keyіn käsіbï boksqa ötw-ötpew twralı şeşіm qabılday jatarmın.

– Tokïoda ötetіn kelesі Olïmpïada oyındarına qatısw josparıñızda bar ma?
– Bul jönіnde äzіrge eşteñe ayta almaymın. Älі de oylanıp, munıñ durıs-burısın ölşep-ekşep jürmіn.

– Vasïlïy, leytenant şenіn ïelenіp otırsız, alğan äserіñіz qanday?
– Polïcïya qızmetkerі bolw – bala küngі armanım. Al bügіnde polïcïya qatarında qızmet etpesem de, osı qızmetke qanday da bіr qatısımnıñ bolwı men üşіn ülken abıroy. Bügіnde men Ulttıq ulan qurama komandasınıñ nusqawşısımın ärі «Dïnamo» deneşınıqtırw-sporttıq qoğamınıñ quramına kіremіn.

– Bіlwіmşe, sіz matematïkalıq bağıttağı mektepte oqığan ekensіz. Boks pen matematïka – ekі türlі bağıt. Bul ekі türlі bağıttı qalay üylestіrіp alıp jürdіñіz?
– Altınşı sınıptap keyіn darındı balalarğa arnalğan mekteptіñ matematïkalıq sınıbında oqıdım. Bul mektepte qabıldanw üşіn el qatarlı emtïxan tapsırıp tüstіm. Bіraq, ökіnіşke qaray, sabaqqa degen qulqımnan görі, waqıtım bolğan joq, ünemі sporttıq jarıstarda jürdіm. Muğalіmder tüsіnwşіlіkpen qaraytın, köp jağdayda üyge berіlgen tapsırmanı jarıstarda jürіp orındaytınmın. Sportqa jan-tänіmmen berіlgenіm sonşalıq, jarıstardı jürіp mekteptegі soñğı qoñıraw, mektep bіtіrw keşіne qatıspağan ekenmіn. Tіptі, UBT tapsırw kezіnde de jarıstardı jürdіm, bіraq UBT tapsırw üşіn tañsärіde uşıp kelіp, testіlew suraqtarına tez arada jawap berіp, qayta kerі uşıp ketkenmіn. Osılayşa, bul sınaqtı da tapsırıp şıqtım.

– Bokstan qolıñız bosay qalğanda nemen aynalısasız? Süyіktі іsіñіz bar bolar…
– Soñğı kezderі müldem bos waqıtım joq. Sporttıq jarıstarda jürіp qolım qalt etse kіtap oqïmın. Klassïkalıq körkem şığarmalardı jaqsı köremіn. Bala kezіmde kіtapqumarlıq qasïetіmdі oyatqan da otbasım, menіñ anam – orıs tіlі men ädebïetі pänіnіñ muğalіmі. Anam kіtap oqwdı tapsırsa, äkem qadağalap otıratın (küldі).

– Sіzdіñ jan dünïeñіzge erekşe äser etken, köñіl tükpіrіñіzde іzіn qaldırğan süyіktі kіtabıñız qanday?
– Bul tіzіmdі bastap turğan Dante Alïgerïdіñ «Bojestvennaya komedïya» kіtabı der edіm. Bul adam balasına oy salarlıq kіtap.

– Vasïlïy, sіz sïyaqtı älem deñgeyіnde jetіstіkke jetw üşіn adam balası öz boyındağı qanday qasïetterdі damıta tüsw kerek?
– Ömіrge adam bolıp kelw oñay, adam bolıp qalw qïın deydі ğoy. Menіñ äkem de osı sözdі sanama quyıp ösіrdі, er-azamat degen atıma say äreket etwdі üyrettі. Yağnï, ärbіr er-azamattıñ ädіlettі, twraşıl, adal, kerek kezde bіrbetkey bolğanı durıs. Menіñşe, bul öte mañızdı. Al qanday da bіr alğa qoyğan maqsatqa jetw üşіn eñbeksüygіştіkpen qatar, tözіmdі bolw şart.

– Vasïlïy, mazmuñdı ärі qızıqtı äñgіmeñіz üşіn mıñ alğıs. Özіñіzge tolağay tabıstar men jaña belester tіleymіn.



Äset SIZDIQOV,
Jadıra MIRZAXMETOVA


mediaovd.kz
 
nravïtsya:    895
Tegï: Bіzdіñ maqtanışımız, Glavnaya,
podelïtsya:

Podelïtsya v Whatsapp

Loading...
Çïtayte tak je:

Kommentarïï