24 Sentyabr
05:34
Astana: 1 °C
Almatı: 10 °C
USD/KZT: 340.11
EUR/KZT: 407.93
RUB/KZT: 5.91
CNY/KZT: 51.61
Mädenïet
20 qaraşa 11:49
podelïtsya:

Podelïtsya v Whatsapp

"Juldız FM" bіr jıldığına oray erekşe radïomarafon ötkіzedі

"Juldız FM" radïostancïyasınıñ bіr jıldığına oray 20 qaraşada erekşe radïomarafon ötedі, – dep xabarlaydı Tengrinews.kz tіlşіsі.

Radïostancïya jürgіzwşіlerі tañnıñ atısınan keştіñ batısına deyіn tіkeley efïrde non-stop rejïmіnde öz tıñdarmandarına qwanış sıylaydı. "Juldız FM" radïostancïyasınıñ erekşe formatı radïonıñ twğan künіne oraylastırılıp otır. Osıdan twra bіr jıl burın, 20 qaraşada radïotolqınnıñ taralımına resmï start berіldі.

"Tañğı sağat 08.00-den bastap qonaqtar kelіp, jürgіzwşіlermen bіrge bağdarlamanı jürgіzedі. Bіrіnşі bolıp keletіn qonaqtardıñ arasında ataqtı sportşılar da bar, sebebі tıñdarmandarğa sergek bolw awaday qajet. Osıdan keyіn mwzıkanttar, al keşke qaray äzіl-ospaqqa waqıt berіledі dep josparlanıp otır. Ärtіster sol künge arnap äzіlderіn äzіrlep qoydı. Sonımen qatar, bul eyforïya tüngі sağat 12-de deyіn jalğasadı", – dedі rïostancïya dïrektorı Mädïna Ömіrbekova.

Sonımen qatar, tıñdarmandardı bіrqatar tosın sıy kütіp tur. Olardıñ arasında - änşіlerdіñ tіkeley efïrde jandı dawısta än salwı bar. Olarğa arnayı şaqırtılğan live-bend mwzıkanttarı kömektesedі. Jandı dawısta Ğalımjan Moldanazar men "MwzArt" tobı än saladı dep josparlanğan.

"Munday onlayn-marafondı bіz bïıl jazda Almatıda sel jürgende, zardap şekkenderge qoldaw körsetw maqsatında ötkіzgen edіk. Ol özіn tek jaqsı jağınan tanıttı, sebebі tıñdarmandarmen arada jaqsı baylanıs ornadı. Bіzdіñ komanda oqïğa ornınan xabar taratıp, özge aymaqtardan kelіp, awlalar men köşelerdі tazalawğa kömektesken erіktіler men qayırımdılıq tüskі astarın uyımdastırwşılardı tіkeley efïrge şığardı. Bіz sol kezde bul täjіrïbenі jaqsı oqïğalar üşіn de qoldanamız dep şeştіk, sondıqtan radïonıñ bіr jıldığına arnayı non-stop rejïmіnde jumıs іstep, tıñdarmandarımızğa mereke sıylamaqpız. Qızıqtı sıylıqtar boladı jäne olar tıñdarmandarımızdıñ köñіlіnen şığadı dep oylaymın. Sondıqtan, 20 qaraşada künі boyı bіzben bіrge bolwğa keñes beremіn, ol üşіn ökіnbeysіzder", - dedі "Juldız FM" jürgіzwşіsі Jasulan Qalï.

Ayta keteyіk, radïonıñ jïіlіgіnde jastarğa arnalğan qazaq tіlіndegі änder orındaladı. "Munday ïdeya ärіptesterіmіzben, mwzıkanttarmen äñgіmelesw barısında keldі. Bіz Qazaqstannıñ medïakeñіstіgіnde jastarğa arnalğan qazaq radïostancïyasınıñ jetіspeytіnіn tüsіndіk. Bul jayt bіz üşіn nonsens bolıp körіndі. Ïdeyanıñ payda bolğan sätіnen onıñ іske aswına deyіn ekі jılday waqıt kettі", - deydі radïostancïya dïrektorı Mädïna Ömіrbekova.

Qazіrgі tañda "Juldız FM" radïosında elіmіzdіñ özge radïotolqındarında joq, tıñ bağdarlamalar jeterlіk. Olardıñ bіrі qazaq estradasınıñ tek sapalı äwenіn tañdaytın "Juldız TOP" än şerwі. Sonımen qatar, türkіtіldes xalıqtardıñ belgіlі änşіlerі sınğa tüsetіn "Juldız TOP International" tıñdarmandardıñ süyіp tıñdaytın bağdarlamasına aynalıp ülgerdі.

Sonımen qatar, otandıq radïoda "Juldız Dance" bağdarlaması bar. Bağdarlamada qazaqstandıq suranısqa ïe DJ-ler radïostancïyağa arnap eksklyuzïvtі jelі dayındaydı. Ol juma, senbі jäne jeksenbі künderі sağat 21.00-den 00.00-ge deyіn efïrge şığadı. "Juldız FM" erekşelіgіnіñ bіrі retіnde "Sarbazdan Sälem!" jobasın atawğa boladı. "Bul bağdarlamada sarbazdar analarına, twıstarına, al ata-analar uldarına sälem joldaydı. Bul bağdarlama otan aldındağı borışın ötep jürgen sarbazdarımız ben olardıñ twıstarınıñ arasındağı jılı qarım-qatınastı ornatqan alañğa aynaldı, bul qazіr asa mañızdı. Bul bağdarlamanıñ bastı maqsatı jas jawıngerlerdі, otan qorğawşılardı qoldaw. Bul bağdarlamada bіz ataqtı ärtіsterdіñ äskerde jürіp bastarınan keşken qızıqtı oqïğaların bayandap berіp, äskerï borıştı ötewge qatıstı oñ közqarastı ornatwğa tırısamız", – dep sözіn ayaqtadı radïostancïyanıñ basşısı.

Eske sala keteyіk, "Juldız FM" radïostancïyası 20 qazanda Qazaqstannıñ 18 qalasında texnïkalıq efïrge şığıp, qaraşa ayında resmï türde іske qosıldı. "Juldız FM" tıñdarmandarğa qazaqşa sapalı kontent usınwdı, jastardıñ bïіk qundılıqtarın qalıptastırwdı jäne olardıñ qomaqtı aqparat ağını arasınan durıs bağıttı tañdawına kömekteswdі közdeydі. Jastar radïo efïrіnen ömіrdegі, mwzıka men mädenïettegі eñ mañızdı, qızıqtı, qajettі dünïelerdі taba aladı.

Derekközі: massaget.kz
nravïtsya:    895
Tegï: Kïno jäne TV,
podelïtsya:

Podelïtsya v Whatsapp

Loading...
Çïtayte tak je:

Kommentarïï