|    |  
17 желтоқсан 2018
12:26
Жылан өзін сүймек болған туристің мұрнын шағып алды (ВИДЕО)
12 қаңтар, 10:09 980
Ғаламторда Таиландтағы  шоудан үзінді бейнеленген видео қаралымы күрт артуда. Екі қызметкер көтеріп тұрған алып питон өзіне жақындаған көрерменнің мұрнынан тістеп алды, деп хабарлайды newsru.com сайты. 



The Phuket News басылымының жазуына қарағанда, бетінен жарақат алған келіншек ауруханаға түскен. Қазір оның денсаулығына қауіп төніп тұрған жоқ. Жақын арада ол емханадан шығарылады деп күтілуде.
Оқыс оқиға Пхукет аралындағы саябақтардың бірінде болған. 9 қаңтарда көрермендерге ұзын ала питонның қатысуымен шоу өткізілген. Бұл - әлемдегі ең ұзын жылан деп саналады.



29 жастағы қытайлық турист шоу кезінде жыланды сүю үшін еңкейгені видеода айқын көрініп тұр. Ала питон улы жылан емес. Бірақ дәрігерлер араша түспегенде туристің денсаулығына  айтарлықтай зардап келуі мүмкін екен. Дәрігерлер оның бетін бірнеше жерінен тіккен.
Зардап шегушінің емделу ақысын шоу ұйымдастырушылар өздері төлепті. 





 
Все новости